ദീപാവലി സർപ്രൈസ്; സാ രേ ഗാ മാ പാ മത്സരാർഥിയുടെ മാതാപിതാക്കൾക്ക് ടിവി നൽകുമെന്ന് കുമാർ സാനു

സീ ടിവിയിലെ സാ രേ ഗാ മാ പാ 2026 വേദിയിലാണ് കുമാർ സാനു ഈ വാഗ്ദാനം നൽകിയത്. മകന്റെ പ്രകടനം വീട്ടിലിരുന്ന് കാണാൻ മാതാപിതാക്കൾക്ക് ടെലിവിഷൻ ഇല്ലെന്ന് അറിഞ്ഞതോടെയാണ് അദ്ദേഹം സഹായം പ്രഖ്യാപിച്ചത്. വരാനിരിക്കുന്ന ദീപാവലി സ്പെഷ്യൽ എപ്പിസോഡിൽ ദുർഗേഷിന്റെ ഗുരു പണ്ഡിറ്റ് ശ്രീ ഗിരിജാശങ്കർ ത്രിപാഠി അപ്രതീക്ഷിതമായി വേദിയിലെത്തി. ഉത്തർപ്രദേശിലെ മൗ സ്വദേശിയായ ദുർഗേഷ് ഗുരുവിനെ കാണാൻ ആഗ്രഹിച്ചിരുന്നുവെങ്കിലും അത് സാധ്യമായിരുന്നില്ല. ദീപാവലി പ്രത്യേക പരിപാടിയിൽ മത്സരാർഥികളുടെയും വിധികർത്താക്കളുടെയും പ്രകടനങ്ങളും ജുഗൽബന്ദികളും അവതാരകൻ ശ്രേയസ് തൽപഡെയുടെ സംവാദങ്ങളും ഉണ്ടാകും.