ആരാധനാലയങ്ങൾക്ക് യുഎഇയിൽ ഏഴ് ലക്ഷത്തി അൻപതിനായിരം ദിർഹം വരെ പിഴ

മുസ്ലിം ഇതര ആരാധനാലയങ്ങൾ സംബന്ധിച്ച ഫെഡറൽ നിയമത്തിനും അതിന്റെ എക്സിക്യൂട്ടീവ് ചട്ടങ്ങൾക്കും കീഴിലുള്ള ഭരണപരമായ ലംഘനങ്ങൾ സംബന്ധിച്ച മന്ത്രിസഭാ പ്രമേയം യുഎഇ അവതരിപ്പിച്ചു. 2026 ഒക്ടോബർ മധ്യത്തോടെ പ്രാബല്യത്തിൽ വന്ന ഈ ചട്ടങ്ങൾ 24 തരം ലംഘനങ്ങൾ തിരിച്ചറിയുന്നു.

ആദ്യ ലംഘനത്തിന് മുന്നറിയിപ്പും ചില ആവർത്തിച്ചുള്ള ലംഘനങ്ങൾക്ക് 5,000 ദിർഹം മുതലുള്ള പിഴയുമാണ് ശിക്ഷ. ചില ലംഘനങ്ങൾക്ക് മൂന്നാം തവണ 7,50,000 ദിർഹം വരെ പിഴ ലഭിക്കാം. നാലാം ലംഘനത്തിന് സാധാരണയായി മൂന്ന് മാസം വരെ പ്രവർത്തനം താൽക്കാലികമായി നിർത്തിവയ്ക്കും, സമാന കാലയളവുകളിലേക്ക് നീട്ടാവുന്നതാണ്.

ലൈസൻസ് പുതുക്കാതെയോ നിയമിത സൂപ്പർവൈസർ ഇല്ലാതെയോ പ്രവർത്തിക്കുന്നത് മുന്നറിയിപ്പിനും തുടർന്ന് ഉയർന്ന പിഴയ്ക്കും കാരണമാകും. ലംഘനങ്ങൾ നിശ്ചിത കാലയളവിനുള്ളിൽ പരിഹരിക്കണം. വിദേശത്തുനിന്നുള്ള സംഭാവനകൾ അനുമതിയില്ലാതെ സ്വീകരിക്കുന്നതിന് 1,00,000 മുതൽ 5,00,000 ദിർഹം വരെ പിഴ ചുമത്തും.