ബ്രെക്സിറ്റിനു ശേഷമുള്ള ഭക്ഷ്യകയറ്റുമതി നടപടിക്രമങ്ങൾ ലഘൂകരിക്കാൻ യുകെയും യൂറോപ്യൻ യൂണിയനും കരാറിൽ

ബ്രെക്സിറ്റിനു ശേഷം ഭക്ഷ്യ ഉൽപ്പന്നങ്ങളുടെ കയറ്റുമതിയെ സങ്കീർണമാക്കിയ ഭരണപരമായ തടസ്സങ്ങൾ നീക്കുന്നതിനുള്ള കരട് കരാറിൽ യുകെയും യൂറോപ്യൻ യൂണിയനും എത്തിയിട്ടുണ്ട്. ഈ മാസം അവസാനം നടക്കുന്ന യുകെ-യൂറോപ്യൻ യൂണിയൻ ഉച്ചകോടിയിൽ ഈ ധാരണ ചർച്ചയാകും.

ഇതുവരെ ഇരുപക്ഷവും അംഗീകരിച്ച ബ്രെക്സിറ്റ് പുനഃക്രമീകരണത്തിലെ ഏറ്റവും പ്രധാനപ്പെട്ട ഭാഗമാണ് ഭക്ഷ്യ കരാർ എന്നാണ് വിലയിരുത്തൽ.