ഓൺലൈൻ തട്ടിപ്പുകാർ പണം തട്ടുന്ന രീതികളെക്കുറിച്ച് ദുബായ് പോലീസ് വിദഗ്ധൻ വിശദീകരിക്കുന്നു

ഡിജിറ്റൽ സേവനങ്ങളിലെ ദുർബലതകൾ ഉപയോഗപ്പെടുത്തി തട്ടിപ്പുകാർ ആളുകളെ വഞ്ചിച്ച് പണം തട്ടുന്നതായി ദുബായ് പോലീസ് മുന്നറിയിപ്പ് നൽകി. വ്യക്തിഗത വിവരങ്ങളും സാമ്പത്തിക വിവരങ്ങളും സംരക്ഷിക്കാൻ പൊതുജനങ്ങൾ ജാഗ്രത പാലിക്കണമെന്ന് സേന ആവശ്യപ്പെട്ടു.

ദുബായ് പോലീസിന്റെ ഇൻഫർമേഷൻ സെക്യൂരിറ്റി സെന്റർ ഡയറക്ടർ ലഫ്റ്റനന്റ് കേണൽ ഡോ. സയീദ് അൽ മറി, പോലീസിന്റെ പോഡ്കാസ്റ്റിലെ ഏഴാം എപ്പിസോഡിൽ തട്ടിപ്പുകാരുടെ രീതികളെക്കുറിച്ച് സംസാരിക്കും. മഹ്റ അൽ മർസൂഖിയാണ് പരിപാടി അവതരിപ്പിക്കുന്നത്.

ഒക്ടോബർ 30 വെള്ളിയാഴ്ച വൈകിട്ട് 7 മണിക്ക് ദുബായ് പോലീസിന്റെ യൂട്ടൂബ് ചാനലിൽ എപ്പിസോഡ് സംപ്രേഷണം ചെയ്യും. സാങ്കേതിക വിടവുകൾ തട്ടിപ്പുകാർ ചൂഷണം ചെയ്യുന്ന രീതി, കുടുംബങ്ങളുടെ പങ്ക്, സംശയാസ്പദമായ പ്രവർത്തനങ്ങൾ തിരിച്ചറിയുന്നതിനുള്ള പ്രായോഗിക നിർദേശങ്ങൾ എന്നിവയും ചർച്ചയിൽ ഉൾപ്പെടും.